Крывія

2014 год адзначаны шматлікімі юбілеямі, зьвязанымі з падзеямі, што значна паўплывалі на хаду беларускай гісторыі, разьвіцьцё беларускай тоеснасьці і фармаваньне сучасных межаў Беларускай дзяржавы. Пералік гэтых падзеяў складаецца зь 500-годзьдзя Аршанскай бітвы, 75-годзьдзя ўзьяднаньня Заходняй Беларусі з БССР , 70-годзьдзя вызваленьня Беларусі ад нацыстоўскай акупацыі. Кожная з гэтых падзеяў наўпростава ці ўскосна асьвятляецца ў гэтым нумары. У сьвеце сёлетніх падзеяў ва Ўкраіне, у гэтым нумары мы зьвяртаемся да гэтай праблематыкі ў кантэксьце часткі ўнутрыбеларускага дыскурсу, што прыхільная ідэям “русского мира”.