Бібліяпанарама

Мы зноў вітаем вас на старонках інфармацыйна-аналітычнага выдання «Бібліяпанарама». Засяроджваем вашу ўвагу на адноўленай канцэпцыі чарговага 16-га выпуску адзначанага выдання. На працягу апошніх гадоў практыкавалася выданне тэматычных выпускаў «Бібліяпанарамы», у якіх дэталёва разглядаліся тэарэтычныя і практычныя аспекты таго ці іншага накірунку бібліятэчнай дзейнасці. У адрозненне ад іх 16-ты выпуск з’яўляецца ўніверсальным па змесце і ўтрымлівае шэраг артыкулаў па прыярытэтных напрамках функцыянавання бібліятэк, такіх як: укараненне новых тэхналогій у бібліятэчную практыку; развіццё краязнаўчай дзейнасці, і, у першую чаргу, забеспячэнне ўдаленага доступу карыстальнікаў да інфармацыйных краязнаўчых рэсурсаў; фарміраванне дакументнага фонду бібліятэк; праектная дзейнасць і партнёрскія зносіны і інш. У сувязі з гэтым у выданне ўведзены новыя рубрыкі: «Краязнаўства», «Бібліятэка 2.0», «Фонды. Калекцыі», «Новы фармат», «Падзея». Разам з тым працягваецца публікацыя матэрыялаў у традыцыйных рубрыках: «Бюро інфармацыі», «Чытальная зала», «Прыміце нашы віншаванні».