Паходня

Заснаваная ў лепшыя для беларускай журналістыкі часы недзяржаўная маланакладная газета “Паходня”. Першым рэдактарам незалежнага выдання, якое ад нараджэння і да сёння выходзіць па-беларуску, быў вядомы беларускі пісьменнік, драматург і краязнавец Міхась Карпечанка. Вакол выдання, якое друкавалася і распаўсюджвалася ў Бялынічах і Бялыніцкім раёне, адразу ж склаўся асяродак грамадскіх актывістаў, якія не столькі цікавіліся палітыкай, колькі прапагандавалі родную мову і гісторыю. Невыпадкова вакол “Паходні” на працягу першага ж года існавання разам з аўтарскім актывам нарадзіліся краязнаўчая суполка, “пярвічка” БАЖу і грамадскі інфармацыйны цэнтр. Але адначасова “Паходня”, як і ўся недзяржаўная прэса, трапіла пад пільную ўвагу мясцовай улады. Газеце актыўна перашкаджалі выходзіць і распаўсюджвацца. Яна перажыла некалькі перапынкаў у сваім выхадзе – апошні скончыўся каля паўгода таму. “Паходня” была вымушаная з райцэнтра перамясціцца ў вёску Машчаніцу – па месцы жыхарства цяперашняга рэдактара Барыса Вырвіча