Свабода (Тут і цяпер)

Янка Брыль Ягоны час толькі надыходзіць 25 жніўня памёр Народны пісьменнік Беларусі Янка Брыль. Паводле запавету класіка айчыннай літаратуры, развітанне з ім адбылося ў ягонай мінскай кватэры на праспекце Машэрава (былая вуліца Дразда). 27 ліпеня адбылося пахаванне пісьменніка на могілках у Калодзішчах пад Мінскам. Янка Брыль нарадзіўся 4 жніўня 1917 году. У 1938 годзе дэбютаваў у віленскім беларускім часопісе “Шлях моладзі”. У 1939м служыў у польскай марской пяхоце, патрапіў у нямецкі палон, адкуль уцёк у партызаны. Пасля вайны жыў у Мінску і займаўся літаратурнай працай. Першую кнігу “Апавяданні” выдаў у 1946 годзе. Роўна праз шэсцьдзясят гадоў выйшла апошняя “Парастак”. Між імі цэлая бібліятэка кніг апавяданняў, аповесцяў, мініятур, дакументальных хронік. Брыля вывучаюць у школе.