Клімавіцкая Інфа-Панарама

Дакументы сведчаць, што да рэвалюцыі 1917 года ў Клімавіцкім павеце налічвалася 9 каменных храмаў і 43 драўляных. У савецкія часы, калі запанаваў прымусовы атэізм, амаль усе іх зруйнавалі. Вось што казалі з гэтай нагоды клімавіцкія краязнаўцы: “ХХ стагоддзе з’явілася знішчальным для большасці помнікаў храмавай архітэктуры. Не сталі выключэннем і шматлікія драўляныя і каменныя будынкі— яны на сённяшні дзень ужо не існуюць”. А вось ад Ільінскай царквы з вёскі Куляшоўка на Клімаўшчыне пазбавіліся параўнальна нядаўна.