CD, Студэнцкая Думка

Red list...: ІНШЫЯ "Менск - гэта такі горад, дзе толькі адзін чорны", - зрабіў для сябе выснову немец Ханс пасьля двух тыдняў у сталіцы нашай "сінявокай". "Не, насамрэч іх, напэўна, два. Проста другі ўвесь час сядзіць дома", -удакладніла ягоная гёрлфрэнд. Калі Амэрыку нашыя таты-мамы называлі краінай кантрастаў, то Беларусь дакладна прэтэндуе на назву "краіна монакультуры". Нашыя брэнды - МТЗ, "Советская Белоруссия" і дзярж-ідэалёгія - з посьпехам замяняюць розныя там GAP, The Sun i Pizza Hut. Адно што выраз "быць не такім, як усе" ў нас афіцыйна перакладаецца як "выёжвацца". Таму ніхто і не выёжваецца: ні выдатнік, якога ўсё роўна заграбуць пасьля пятага курсу "на раён", ні бізнэсовец - на яго заўсёды знойдзецца "орган". ...Старое як сьвет "diversity is good" тут чамусьці не працуе. А варта ўсяго толькі паспрабаваць быць каляровым на шэрым фоне. Краіне патрэбныя такія "дывэрсанты".