Бярозка

Прычына існавання ў гэтым свеце, калі прычыны не засталося? Роўна як і жадання, ды і проста таго, дзеля чаго жывеш? Прычына ёсць: пачуццё абавязку. Я павінен — сябрам, бацькам, дзецям. Яны без мяне ніяк. Ды і праца трымае. Пачуццё абавязку, вядома, добрая з’ява. Толькі вось адчуванне не з самых прыемных: як быццам ты селянін, у якога свой участак, панская зямля і паншчына — шмат і непад’ёмна. Навалілася і не адпускае. Сілкуецца тваімі сіламі. Жыццёвая энергія на нулі, цікавасці да жыцця няма... Ды што ў ім такога? Нарадзіўся, каб працаваць, забяспечваць сям’ю, уладкоўваць дзяцей. Але хіба яны не будуць гэтак жа гарбець, каб пражыць? Вядома ж, трэба «адцягвацца». Але ты так стамляешся пасля працы, што нічога не жадаеш: толькі б выцягнуцца і ляжаць, аднаўляць энергію. Бо паходы па музеях і тэатрах патрабуюць працяглай падрыхтоўкі і...