Бярозка

Вядомы беларускі пісьменнік Мікола Чарняўскі не толькі шмат піша для дзяцей. Ён яшчэ і дапамагае юным талентам у іх творчых пошуках, спецыяльна стварыўшы для гэтага літаратурную суполку «Купалінка», якая аб’ядноўвае літаратурныя гурткі многіх школ Мінскага раёна. На старонках «Бярозкі» (№ 2 за 2010 г.) ужо апавядалася пра суполку «Купалінка», там жа, у «Вераску», была надрукавана вялікая падборка вершаў гурткоўцаў. Але час прайшоў, і мы рады вітаць новых юных творцаў з «Купалінкі».