Птушкі і мы

Прывітанне, шаноўныя чытачы! Рыхтуючы чарговы нумар часопіса, мы ўсе (я маю на ўвазе чальцоў рэдкалегіі) крыху хвалюемся – ці ўсё ў гэтым нумары добра, ці спадабаецца ён чытачам? Але калі вы ўсё ж чытаеце гэтыя радкі, то спадзяёмся, што папярэднія нумары вас, як мінімум, не расчаравалі. А калі вы ўвогуле сочыце за нашай «бібліяграфіяй» з самага пачатку, то думаецца, што звярнулі ўвагу і на перамены, якія адбываюцца з часопісам. Мы спадзяёмся, што ўсё ж адбываюцца, меркаваць вам – збоку, як вядома, бачна лепей.