Купалінка

“О, Балонь!” – пад такой назвай у Берасці Агенцтва рэгіянальнага развіцця “Дзедзіч” (АРР “Дзедзіч”) рэалізуе праграму “Балонскі працэс і Беларусь”. Не кожны беларускі студэнт можа пахваліцца добрымі ведамі пра “Балонскі працэс”. Так, валодае простай і папулярнай тэрміналогіяй, але не як “рыба ў вадзе” у тэме. Якія асацыяцыі ўзнікаюць у галовах маладых беларусаў са словамі “Балонь” ці “Балонскі працэс”? Самаадукацыя, студэнцкае самакіраванне, валоданне ангельскай мовай, свабода, еўрапейскае жыццё, а хтосьці прыгадае сабаку “балонку” і г.д. Але галоўнае пытанне для Беларусі, якая знаходзіцца ў цэнтры Еўропы: чаму Балонскі працэс абышоў беларускіх студэнтаў і ўсю адукацыйную сістэму?