Брестский курьер

Шчыра віншую са святам Божага Нараджэння ўсіх вернікаў, якія святкуюць яго 25 снежня. Святло Бога зазіхацела ў змроку зямлі, Бог нарадзіўся. Ноч стала святлом. Бог прыйшоў у змрок нашых душ і сэрцаў, і тыя, якія не пабаяліся паглядзець у сваё сэрца, убачылі Божае Святло. Няхай у новым годзе вам спадарожнічае святло Бэтлеема, святло Божай любові і апекі. Жадаю ўсім шмат Божых ласкаў, здольнасці і сілаў у справах штодзённых, і каб радасная атмасфера гэтага вялікага свята – Божага Нараджэння – напоўніла патрэбным супакоем і шчасцем. Шчодрага Божага благаслаўлення вам як на свята Божага Нараджэння, так і на ўвесь надыходзячы 2014 год.