Pro Nobis

Чуткі і кодэкс Хутка настаўнікі будуць працаваць ня больш за 24 гадзіны ў тыдзень. Аплочва­емы адпачынак зменшыцца ўдвая. Такія чуткі настойліва вандруюць па настаўніцкіх пакоях ды кабінетах школ гарадзеншчыны. Тым часам, гарадзенскія чы­ноўнікі не даюць дакладных ка­ментароў. - Крыніцай такіх размоваў можа быць новы Працоўны ко­дэкс. Ён знаходзіцца ў распра­цоўцы і прыняты будзе яшчэ не хутка, - тлумачыць спецыяліст гаркама прафсаюзаў працаўні­коў адукацыі і навукі Горадні На­талля Карэўская. Міністар працы і сацыяль­най аховы Рэспублікі Беларусь Уладзімір Патупчык 4 траўня паведаміў, што законапраект аб занясенні паправак у Працоўны кодэкс Рэспублікі Беларусь можа ўступіць у сілу ўжо з 1 студзеня 2008 года. Распаўсюду чутак маглі спры­яць факты нечаканых рашэнняў адміністрацыі некаторых школ. Так, у с/ш № 27 скарацілі коль­касць аплочваемых замен. Калі ў Вашай школе прынятыя неправамерныя, на Ваш погляд, рашэнні, просім дасылаць sms на нумар (+375)297812098. Рэдакцыя Pro Nobis паведаміць аб Вашых сітуацыях адпаведным службам і будзе шукаць праўду.