Бярозка

Усё цячэ, усё змяняецца, але жыццё, тым не менш, працягваецца… Вось і ў «Бярозцы» адбыліся змены, і, прытым, істотныя. Бо поўнасцю аднавіўся яе творчы калектыў, і гэты вераснёўскі нумар — першае сур’ёзнае выпрабаванне новых супрацоўнікаў на прафесійную годнасць, ці, хутчэй, іх уступны экзамен. Ну, а экзаменатарамі, вядома ж, будзеце вы, нашы паважаныя чытачы. Усе свае заўвагі, прапановы, пісьмы дасылайце на адрас часопіса «Маладосць» з паметкай «Бярозка». Ці па электронных адрасах: maladost@bk.ru альбо bjarozka@mail.ru. Абяцаем уважліва чытаць усё тое, што вы нам будзеце дасылаць. І не проста чытаць, а абавязкова ўлічваць у сваёй будучай працы вашы заўвагі і прапановы. І, вядома ж, друкаваць на старонках «Бярозкі» тыя вершы, апавяданні ці артыкулы, якія вы будзеце нам дасылаць. Зразумела, калі яны будуць вартыя таго, каб з’явіцца ў «Бярозцы». Ну, а ніжэй прапануем вашай увазе развітальны артыкул Кацярыны Безмацерных, якая з’яўлялася асноўным стваральнікам апошніх нумароў «Бярозкі».