Информ-Прогулка

Не так даўно Уладзіміра Пуціна ў час “прамой лініі” спыталі пра ягонае стаўленне да рэформы школьных праграм у Расіі: маўляў, са школы хочуць прыбраць геаграфію. Расійскі прэзідэнт здзівіўся: “Каго ж мы тады вырасцім?” Сапраўды, геаграфія, хоць фармальна да гуманітарных дысцыплін не належыць, але ж істотна ўплывае на фарміраванне паўнавартаснай асобы чалавека і грамадзяніна. Ды і пра агульную адукаванасць забываць не трэба. З другога боку, ці ўсе гэта разумеюць? Яшчэ класічны Мітрафанушка чуў парады не вучыць геаграфію, бо рамізнікі адвязуць, куды трэба. У XXI стагоддзі, пэўна, ролю рамізнікаў выконваюць навігатары. Як з той жыхаркай Бельгіі, што паехала ў суседні горад, а ў выніку апынулася ў Харватыі, перасёкшы палову Еўропы. Даверылася тэхніцы, што называецца...