Бярозка

Я прыйшла ў гімназію № 10, дзе вучыцца «зорачка» Ліза БАЖКО. І высветлілася, што гэтая «зорачка» — усмешлівая, адкрытая, шчырая дзяўчына. Сама яна характарызуе сваю творчасць даволі сціпла: «Я пішу простыя і зразумелыя песні пра тое, што ведаю і бачыла». Але ў гэтым і ёсць талент, каб простымі словамі перадаць глыбокую думку і схаваныя пачуцці. З цікавасцю ўслухоўваюся ў кожны радок і дзіўлюся, як тонка і дакладна дзяўчына адчувае навакольную рэчаіснасць. Вось, напрыклад, урывак з аднаго спеву Лізаветы: «Гэта няцяжка: прызнацца, даць слова. Цяжка потым адказваць за словы. Слова, ты з дзеяннем рэдка знаёма, дзеянне нібы зусім не ведае цябе».