Навіны для Беларусі

Камісар па знешніх сувязях ЕЗ і палітыцы добрасуседства Беніта Ферэрэйра- Вальднэр зрабіла заяву аб тым, што яна “абурана арыштамі і затрыманнямі некалькіх актывістаў беларускай дэмакратычнай апазіцыі за апошнія дні, улучаючы Паўла Севярынца і Аляксея Шэйна” і заклікала “тэрмінова вызваліць усіх затрыманых на палітычных падставах людзей”. “Беларускія ўлады павінны памятаць, што палітычна матываваныя арышты супярэчаць зробленай Еўразвязам Беларусі прапанове паўнавартаснага супрацоўніцтва ў межах палітыкі добрасуседства, выкладзенай ў “12 пунктах” , надрукаваных у лістападзе 2006 г. Еўразвяз прапанаваў Беларусі рабіць крокі ў бок дэмакратызацыі і павагі да правоў чалавека, уключаючы такое неад’емные права, як свабода выражэння”.