За правы чалавека

10 сьнежня 1948 года Генэральнай Асамблеяй ААН была прынятая Ўсеагульная дэклярацыя правоў чалавека. З 1950 года гэты дзень адзначаецца ва ўсім сьвеце як Дзень правоў чалавека. Дэклярацыя зьяўляецца першым міжнародным дакумэнтам, у якім прызнаецца, што асноўныя правы і свабоды зьяўляюцца неад'емна уласьцівымі ўсім людзям і што ўсе людзі нараджаюцца свабоднымі і роўнымі. Гэтая фраза таксама зьяўляецца заклікам да дзеяньняў, бо абяцаньне, якое датычыцца годнасьці і справядлівасьці, яшчэ далёка ня выкананае ў дачыненьні да кожнага чалавека.