Беларусы ў свеце

Міністэрства замежных справаў Беларусі займаецца распрацоўкай праекта закона “Аб беларусах замежжа”. Закон мае мець рамкавы характар і быць накіраваным на гарманізацыю беларускага заканадаўства ў сферы супрацы з беларусамі замежжа. Беларускія ўлады падкрэсліваюць тое, што закон не будзе ствараць якіх-колечы абмежаванняў па прыкмеце этнічнасці і будзе базавацца на ўключальным падыходзе, ахопліваючы “ўсіх, хто вызначае сябе як беларусаў, хто мае сувязі з Беларуссю і жадае гэтыя сувязі захаваць”.