Кніганоша

– Шаноўная Ірына Міхайлаўна, нядаўна выйшла Вашая кніга паэзіі «Свядомаграфія», у якую ўвайшлі вершы і пераклады. Папярэдняя кніга выходзіла 13 гадоў таму (у 1999 годзе). Чым было выклікана такое доўгае «творчае маўчанне»? – На гэтае пытанне я адказала ў адным са сваіх вершаў наступным чынам: «Паэтам часам трэба памаўчаць, // Бо нават птушкі не пяюць бясконца...» Насамрэч можна, канешне, засаджваць сябе за стол і, як Дзюма-старэйшы, кожны дзень нешта пісаць. Але такі рэгламент усё ж такі больш прымальны для празаікаў і... навукоўцаў. Мяркую, што менавіта моцная засяроджанасць на даследчай дзейнасці ў мінулы перыяд перашкодзіла больш актыўнаму прысвячэнню часу літаратурнай творчасці. – Вы перакладаеце з рускай і польскай моваў. Па якім прынцыпе выбіраеце тэксты для перакладу?