Каталіцкі Веснік

Віталь нарадзіўся ў 1983 годзе ў Наваполацку. Пасля заканчэння школы ў 2000 годзе паступіў у Мінскі прафесійна-тэхнічны каледж швейнай прамысловасці. З часам у сэрцы юнака нараджалася прага да больш цеснага жыцця з Езусам, таму ён абраў манаскую дарогу і ў 2004 годзе ўступіў у ордэн айцоў-марыянаў (МІС). Наступныя 8 гадоў манаскай фармацыі і навукі ў духоўнай семінарыі прайшлі ў Польшчы. Першыя шлюбы брат Віталь склаў у 2006 годзе, а вечныя – у 2010. Першую ступень святарскага пасвячэння – дыяканат – атрымаў у 2012 годзе. Як дыякан быў накіраваны ў Оршу, дзе працуюць айцы-марыяне.