Навіны для Беларусі

27 красавіка а 19-й гадзіне ў Бруселі адбудзецца інфармацыйны вечар, прысвечаны гадавіне Чарнобыльскай катастрофы. Арганізатары імпрэзы – “Офіс за дэмакратычную Беларусь” (Брусель) і Hanse-Office (Аб’яднанае прадстаўніцтва Гамбурга і федэральнай зямлі Шлезвіг-Гольштайн у Еўразвязе). Вечар распачнецца з гутаркі, пад час якой будуць абмеркаваныя Чарнобыльскія праблемы, у тым ліку іх палітычны кантэкст у сучаснай Беларусі. У прыватнасці, плануецца зладзіць слайд-шоў па выніках Чарнобыльскага шляху- 2007. Пасля абмеркавання наведнікам будуць прадэманстраваныя дакументальныя стужкі “Жылі- былі” і “Завядзёнка” беларускага рэжысёра Галіны Адамовіч. “Жылі-былі” – фільм, які па- мастацку спрабуе асэнсаваць маштаб Чарнобыльскай бяды. “Завядзёнка” – кіназамалёўка пра жыццё беларускага Палесся.