Кантакты і дыялогі

1999 год абвешчаны Годам А. С. Пушкiна. Да 200–гадовага юбiлею з дня нараджэння класiка рускай лiтаратуры Нацыянальны навукова–асветны цэнтр iмя Ф. Скарыны рыхтуе зборнiк “А. С. Пушкiн i Беларусь”. Дзякуючы цiкаваму даследчыцкаму матэрыялу беларускiх навукоўцаў, краязнаўцаў, журналiстаў, пiсьменнiкаў шырокаму колу чытачоў адкрыюцца раней малавядомыя старонкi жыцця i творчасцi А. С. Пушкiна i яго сувязей з нашай Бацькаўшчынай, якiя ўпершыню сабраны разам. Зборнiк складаецца з некалькiх раздзелаў. “Беларусь у жыццi i творчасцi А. С. Пушкiна” — у гэтым раздзеле змешчаны артыкулы Сямёна Букчына, Давiда Сiмановiча аб падарожжах паэта праз гарады і вёскі Беларусi. Артыкул нашага вядомага пушкiназнаўца Iгара Сцяпунiна пра прататып Уладзiмiра Дуброўскага дапоўняць найноўшыя даследаваннi журналiсткi Людмiлы Сялiцкай пра беларускiх нашчадкаў шляхцiца Паўла Астроўскага. Прыводзяцца ўспамiны А. П. Распопава аб сустрэчы А. С. Пушкiна ў Магiлёве ў 1824 г. Як звязана Арына Радзiвонаўна з Кобрыншчынай? Аб гэтым артыкул Галiны Манец.