Kрай.BY. Віленскія гастарбайтары, скарбы гары Афон ды іншыя цуды

Дарагі дапытлівы беларус! Разам у віртуальных вандроўках мы ўжо наведалі нямала цікавых месцаў, але сёння праект Kрай.BY запрашае цябе ў самую сапраўдную казку. Так-так, менавіта тут стала магчымым спалучэнне готыкі і праваслаўя, менавіта тут можна даведацца, што такое Машыкулі (ты ўжо гугліш, напэўна), і, безумоўна, паглядзець на ўнікальны артэфакт з самой гары Афон. Як табе такое? Ну хіба не казка – апынуцца ў месцы, дзе жылі-працавалі гастарбайтары з самой Вільні? Не-не, гэта не байкі – і такое здаралася ў гісторыі нашага краю. Ну, і для тых, хто ў трэндзе і носіць цішотку з Кастусём Каліноўскім, з усёй адказнасцю паведамляем, што менавіта ў месцы сённяшняй вандроўкі можна адшукаць рэальны дэвайс паўстанца, бо тут знаходзілася патаемнае месца для збораў і склад зброі. Вывучай матчастку, беларус, яна ў нашай краіны ўнікальная! Заінтрыгаваны? Тады разам з намі – у Сынкавічы!