Магістрат

Аляксандр (Алесь) Віктаравіч Бяляцкі нарадзіўся 25 верасня 1962 года ў Карэліі. У 1964 годзе бацькі вярнуліся ў Беларусь. Алесь скончыў сярэднюю школу № 5 Сьветлагорску. У 1979 годзе паступіў на гісторыка-філалагічны факультэт Гомельскага дзяржаўнага ўніверсітэту, у 1984 атрымаў дыплом выкладчыка філалогіі. У 1988 г. выступіў адным з заснавальнікаў таварыства «Мартыралог Беларусі», быў сябрам Арганізацыйнага камітэту Беларускага народнага фронту «Адраджэньне», сакратар Управы (1996-1999), намеснік старшыні (1999-2001) БНФ “Адраджэньне”, з’яўляўся заяўляльнікам адной з першых масавых акцый “Дзяды”. У 1990 годзе выступіў адным з арганізатараў Беларускай Каталіцкай Грамады.