Тут і цяпер

Каму “Саюзкалій” пакажа “кузькаву маці”. Беларусь і Расія ствараюць яшчэ адну кампанію па продажы калійных угнаенняў. Савет дырэктараў ААТ «Уралкалій» ухваліў заснаванне сумеснага з ААТ «Беларуськалій» трэйдара калійных угнаенняў «Саюзкалій» (Soyuzkali GmbH). Згодна з рашэннем савета дырэктараў, новая расійска-беларуская кампанія будзе зарэгістравана ў Швейцарыі ў кантоне Цуг. Статутны капітал «Саюзкалію» складзе 200 тысяч швейцарскіх франкаў і будзе аплачаны грашовымі сродкамі. Доля «Уралкалію» ў статутным капітале сумеснай кампаніі складзе 50%.