Там у светлых барах

Здаецца, яшчэ зусім нядаўна я чытаў вы­браныя і падрыхтаваныя да друку вершы Іны Фраловай, з якіх склалася яе дэбютная кніжка «Чакаю першы снег», а сёння ўжо ўчытваюся ў радкі новай кнігі «Там у свет­лых барах». Прызнаюся, мне было прыемна пісаць уступнае слова да першай кнігі Іны Фраловай, бо дапамагаць маладзейшым — ганарова, і асабліва прыемна пісаць пра тых, у каго ёсць перспектыва на творчы рост. Вось і цяпер, калі Іна звярнулася да мяне з просьбай сказаць пра яе новыя тво­ры некалькі слоў для кнігі, я, не вагаючы­ся, адразу ж даў згоду. Перад тым, як пісаць гэтую прадмову, перачытаў напісанае мною пра «Чакаю першы снег».