Тут і цяпер

Што чакае эканамічны складнік беларуска-венесуэльскіх адносін, калі спраўдзяцца самыя горшыя прагнозы дактароў наконт здароўя Уга Чавеса? Гэтае пытанне "Тут і цяпер" абмеркавала з вядомымі экспертамі Барысам Жалібай і Яраславам Раманчуком. Дамы будуюцца без палітычнага фундамента Доктар эканамічных навук Барыс Жаліба гаворыць, што калі да ўлады ў Венесуэле не прыйдзе пераемнік Уга Чавеса, то беларуска-венесуэльскае супрацоўніцтва можа згарнуцца па шэрагу буйных праектаў. "На мой погляд, трэба станоўча ацэньваць адносіны Беларусі з любой краінай, — выказвае свае думкі Барыс Мікалаевіч. — Іншае пытанне, што гэтыя адносіны шмат у чым будуюцца не на эканамічнай мэтазгоднасці, а на падставе асабістага сяброўства нашага і венесуэльскага прэзідэнтаў".