Тут і цяпер

Вось табе і "новый облик" У сярэдзіне нулявых гадоў ХХІ стагоддзя ў Беларусі была адноўлена савецкая традыцыя: кожнаму году пачалі надаваць нейкі ўмоўны статус. Так, 2006-ты быў абвешчаны Годам маці. Потым быў Год дзіцяці. Можна было чакаць, што наступны назавуць Годам бацькі, аднак здарылася гендарная дыскрымінацыя. Праігнараваўшы ролю бацькі ў сям'і і грамадстве, 2008-мы зрабілі Годам здароўя. Далей ішоў Год роднай зямлі (усе астатнія, значыць, «гады чужых земляў»?). Асабліва ж парадавала повязь 2010 і 2011-га, якія лічыліся адпаведна Годам якасці і Годам прадпрымальніцтва.