Справа

Нягледзячы на шматлікія заявы прадстаўнікоў апазіцыі аб тым, што парламенцкія выбары не адбыліся, яўка выбаршчыкаў на іх перавысіла 50%. Байкатавалі выбары 9,6% выбаршчыкаў. Такія дадзеныя апытання грамадскай думкі, праведзеныя ў верасні-кастрычніку Незалежным інстытутам сацыяльна-эканамічных і палітычных даследаванняў (Вільнюс, Літва). 17,4% апытаных прагаласавалі датэрмінова (18-22 верасня), 49% - 23 верасня, 9,6% - байкатавалі выбары, яшчэ 24% - не ўдзельнічалі па іншых прычынах, гаворыцца ў каментарах да вынікаў апытання, размешчаных на сайце НІСЭПД. Як адзначаюць сацыёлагі, яўка перавысіла 50-працэнтны парог за кошт выбаршчыкаў з абласных цэнтраў (не лічачы Мінска) і рэгіёнаў, дзе пражывае 80% беларускага электарату.