Тут і цяпер

Вядомы беларускі праваабаронца, грамадскі дзеяч Алесь Бяляцкі планаваў выдаць да свайго пяцідзесяцігоддзя зборнік літаратуразнаўчых прац. Але атрымалася так, што кнігу давялося ўкладаць з-за кратаў, ды дадаць у яе раздзел пра "турэмную" літаратуру Беларусі. Да канца года выданне мусіць выйсці ў свет. 25 верасня Алесю Бяляцкаму споўнілася 50 гадоў. Ён шырока вядомы дзякуючы сваёй праваабарончай дзейнасці. Да юбілею Бяляцкага ў Беларусі і па-за яе межамі разгарнулася шырокая кампанія – палітыкі, дыпламаты, грамадскія дзеячы, простыя грамадзяне выказвалі палітвязню свае словы падтрымкі і найлепшыя пажаданні.