Тут і цяпер

Напачатку жніўня старшыня КДБ Беларусі Вадзім Зайцаў зацвердзіў, а генпракурор Аляксандр Канюк узгадніў правілы ўнутранага распарадку ў следчых ізалятарах органаў дзяржаўнай бяспекі. На што маюць права тыя, хто трапляе ў СІЗА КДБ, даследвала "Тут і цяпер" Датачыцца кожнага? Не так даўно былы суддзя Канстытуцыйнага суда Міхаіл Пастухоў гаварыў, што лічыць важным апублікаваць правілы знаходжання асоб у месцах пазбаўлення волі. Бо у нас такая ў гэтым сэнсе ненадзейная краіна, што сёння гэтае жыццё ў СІЗА цябе можа і зусім не тычыцца, але хто ведае, што будзе заўтра? "Я лічу важным апублікаваць правілы знаходжання асоб у месцах пазбаўлення волі, у турмах, СІЗА – гэта ўсё павінна быць на ўзроўні закона, а не на ўзроўні нейкіх унутраных інструкцый і гэтак далей, – выказвае сваю думку Міхаіл Іванавіч. – Правілы і забароны, устаноўленыя яшчэ з 30-х гадоў, павінны быць сур'ёзна перагледжаныя і змененыя.