Тут і цяпер

Аляксандр Лукашэнка агучыў пажаданне, каб "мы в этом большом сотрудничестве огромных государств не были лишней шестеренкой". Імкненне завесці "крутых сяброў" уласціва цяперашняму кіраўніку Беларусі здаўна. Часам сітуацыя крыху нагадвае стары анекдот. У клас заходзіць новы вучань, досыць хударлявы хлопец непераканаўчага выгляду, і пытаецца: — Ну, хто на мяне? Да яго падыходзіць вялізны бамбіза і кажа: — Ну я! — А ты хто? — Я Вася. Малы становіцца побач з бамбізам і пытаецца: — Ну, хто на нас з Васем?! На ролю патэнцыяльных "Васяў" Лукашэнка ад самага пачатку свайго кіравання разглядаў Расію і Кітай, бо гэтыя дзве краіны не надта схільныя да дэмакратыі і зусім не заклапочаны праблемай парушэння правоў чалавека.