Клімавіцкая Інфа-Панарама

Перад парламенцкімі выбарамі ў краіне было сфармавана больш за 6000 участковых камісій. Гэта камісіі, дзе непасрэдна падлічваюць галасы выбаршчыкаў. Менавіта таму прадстаўнікі апазіцыі заўсёды вылучаюць туды сваіх актывістаў. Але верагоднасць таго, што яны трапяць ў склад камісій вельмі невысокая. І гэтак адбываецца кожны раз. Напрыклад на мінулых прэзідэнцкіх выбарах у Клімавічах ва ўчастковую камісію паспрабаваў трапіць Сяргей Аржанцаў. Ён сабраў неабходную колькасць подпісаў, але з самага пачатку разумеў, што спроба не дасць патрэбнага выніку: “Мая спроба звязаная з тым, каб прадэманстраваць, што ўлады не пойдуць насустрач дэмакратызацыі выбараў. Думаю, што пры фармаванні камісій упор будзе зроблены на “Белую Русь”.