Отдушина

Калі чалавек ідзе па роўнай дарозе і бачыць наперадзе горку, яму рупіць ведаць, што за ёй. Так і я, пабачыўшы многа ўсяго за свае 78 гадоў, захацеў паглядзець на поўдзень Еўропы і ў чэрвені здзейсніў экскурсію па Германіі, Францыі, Італіі, Аўстрыі. Нямецкія аўтабаны і казачныя альпійскія краявіды У Германіі найбольш уразілі аўтабаны. Гэтыя дарогі, у дзве ці тры паласы ў розныя бакі, звычайна агароджаны сеткай, каб раптоўна не выскачыла на праезджую частку нейкая дзікая жывёліна. Каля населеных пунктаў аўтабаны агаро-джаны высокімі шчытамі для ізаляцыі ад шуму.