Витебский курьер

На бальшаку нашага культурнага і духоўнага жыцця, як бы хто сёння ні замоўчваў гэты неаспрэчны факт абыякавасцю і пагардай. Вось і сёлета 19 чэрвеня, у дзень народзінаў славутага пісьменніка, шчыльнасць беларускіх знакамітасцяў на адзін квадратны метр імправізаванай пляцоўкі каля быкаўскай хаціны проста зашкальвала: паэты Генадзь Бураўкін ды Анатоль Вярцінскі, пісьменнікі Уладзімір Папковіч і Уладзімер Арлоў з паэтэсаю Валянцінай Аксак, перакладчык Лявон Баршчэўскі, мастак Алесь Пушкін, журналісты Аляксандр Тамковіч ды Анатоль Гуляеў, Народная артыстка Беларусі Зінаіда Бандарэнка, руплівіца па спадчыне Язэпа Драздовіча Ада Райчонак, палітыкі Аляксандр Мілінкевіч, Мечыслаў Грыб, Валеры Фралоў, галоўны віцебскі ТБМавец Іосіф Навумчык ды іншыя. Ад шчырых сяброўскіх поціскаў проста раскаляецца далонь.