Дняпроўская Строма

25 мая 2012 г. у вёсцы Бялынкавічы Касцюковіцкага раёна Магілёўскай вобласці адбылося першае абласное свята паэзіі і аўтарскай песні «Пісьмянкоў луг», названае ў гонар вядомага беларускага паэта, ураджэнца гэтай вёскі Алеся Пісьмянкова. Быў адкрыты памятны знак «Пісьмянкоў луг». У конкурсе паэзіі і аўтарскай песні ўзялі ўдзел прадстаўнікі ўсіх раёнаў Магілёўшчыны і Суражскага раёна Бранскай вобласці. На свята былі запрошаны прадстаўнікі Магілёўскага абласнога аддзялення грамадскага аб’яднання "Саюз беларускіх пісьменнікаў", старшыня аддзялення Мікола Яцкоў увайшоў у склад журы конкурсу выканаўцаў. Прапануем увазе чытачоў матэрыялы, падрыхтаваныя ўдзельнікамі і сведкамі гэтага свята. Таксама мы палічылі неабходным зазірнуць у мінулае і зноўку прайсціся сцежкамі памяці, дзе прыцягальная ўсмешка Алеся Пісьмянкова і сагравае, і ўсцешвае - аж да сёняшняга дня..