Тут і цяпер

На пачатку бягучага года ў сталіцы было зарэгістравана працоўных месцаў у 6 разоў больш, чым саіскальнікаў. А па краіне ў цэлым, як сцвярджаюць афіцыйныя крыніцы, апошнія гады ўзровень беспрацоўя надзвычай нізкі — усяго 0,7%. Вось яны, стабільнасць і працвітанне ў дзеянні — зайздроснікам няма чым крыць, акрамя мацюкоў. Калі б не адно істотнае "але": гаворка ідзе толькі пра зарэгістраваных на дзяржаўнай біржы працы. Тых, хто не трапіў у афіцыйную статыстыку, паводле самых сціплых падлікаў, у дзясяткі разоў больш. Чаму беларусы не спяшаюцца карыстацца дапамогай дзяржавы пры працаўладкаванні, высвятляла "Тут і цяпер".