Каталіцкі Веснік

З кожным годам пашыраецца геаграфія мясцінаў, з якіх пілігрымы прыязджаюць у Росіцу. Сёлета былі вернікі з Полацка, Наваполацка, Віцебска, Браслава, Мёраў, Дзісны, Глыбокага, Лучая, Расонаў, Бігосава, Друі, Верхнядзвінска, Шаркаўшчыны, Пеліканаў, Мінска, Барысава, Жодзіна і нават з Пінска. Разам з вернікамі ў Росіцу прыехалі айцы марыяне на чале з айцом правінцыялам “Мы сабраліся ў росіцкай святыні, каб праслаўляць Бога і прасіць заступніцтва ў нашых штодзённых справах у блаславёных пакутнікаў Юрыя і Антонія. Гэтымі лютаўскімі днямі мы шукаем ласкі Бога, а гэтая ласка нарадзілася тут, у пакутах і веры канаючых людзей”. Кацярына Лаўрыненка Паўлам Наўмовічам МІС, які ўзначальвае Польскую правінцыю, Апостальскі візітатар для грэка-каталікоў Беларусі архімандрыт Сергій Гаек, дыяцэзіяльныя святары, сёстры-змёртвыхпаўстанкі. Сёстры-эўхарысткі, што, як адзначыў а. Чэслаў Курэчка МІС, “у тыя лютаўскія дні да апошняга служылі людзям у гэтай святыні”, прыехалі ў Росіцу, каб закончыць свае шасцідзённыя рэкалекцыі і аднавіць веру і любоў да Бога і чалавека.