Газета па-лунінецкі

Знаёмства з творчасцю магілёўскай паэтэсы Марыны Сліўко адбылося выпадкова. Неяк у размове са сваім сябрам, лунінецкім літаратарам Максімам Казуном я закрануў стан сучаснай беларускай пісьменнасці. На мой погляд, кагорту сталых, прызнаных майстроў мастацкага слова арганічна дапаўняюць маладыя. Яны ўвасабляюцца у адметны, яскравы пласт, знаходзяць станоўчы водгук не толькі ў літаратуразнаўцаў, але і ў аматараў паэзіі і прозы... Мой сябар згадзіўся і працягнуў прыгожа аздоблены зборнік вершаў. На цёмна-сіняй вокладцы сонечнымі літарамі было выведзена: «Марына Сліўко. Зорныя Арэлі».