Прэзумпцыя

З нагоды Дня ўшанавання памерлых, прадстаўнікі Гарадзенскай гарадской партыі БНФ наведалі магілы сваіх сяброў, а таксама іншых слаўных у Гродне беларусаў. Старшыня арганізацыі Вадзім Саранчукоў кажа, што гэта традыцыя, ад якой нельга адыходзіць свядомым беларусам: - Традыцыйна Гарадзенская арганізацыя партыі БНФ на Дзяды ўшаноўвае магілы нашых сяброў, сяброў нашай арганізацыі, якія не дажылі да сённяшняга дня. Таксама магілы тых асобаў, якія аддалі свае жыцці за справу Беларушчыны. Мы наведалі гарадзенскія могілкі ў Аульсе, дзе пахавана больш дзесятка такіх асобаў, упарадкавалі могілкі, паставілі знічкі, усклалі кветкі.