Праваабарончы веснік (Магілёў)

Экс-кандыдат у прэзідэнты Мікалай Статкевіч, які адбывае шасцігадовы тэрмін зняволення за падзеі 19 снежня 2010 г. ў шклоўскай калоніі, 12 студзеня 2012 г. асуджаны судом Шклоўскага раёна (суддзя Віталь Волкаў) на тры гады турмы закрытага тыпу. Цяпер палітык будзе адбываць пакаранне ў камеры, яму значна узмацняецца рэжым: не дазваляюцца спатканні са сваякамі, тэлефанаванні, забараняюцца пасылкі і г.д. Тое, што рэжым Мікалаю Статкевічу зменены на больш жорсткі, азначае, што з шасці гадоў пазбаўлення волі тры гады палітвязень правядзе ва ўмовах турмы. Як адзначыў у інтэрв’ю Радыё Свабода праваабаронца Валянцін Стэфановіч, гэта зроблена фармальна нібыта за невыкананне ўмоваў рэжыму адбыцця пакарання ў калоніі.