Лідскі Летапісец

Бісерам і словам. З Божае скрыні ў шчырым жаданні падзяліцца з намі , чытачамі, дастала Ганна С ерэхан запаветную жменьку найлепшых сваіх карункаў-вобразаў, сплеценых з пяшчотных і ўзрушлівых пачуццяў, трапных назіранняў і праніклівых думак. Аправіла іх у арнамент гожых слоўцаў, дапоўніла бі сернымі фантазіямі . I адчыніла дзівосны свет свайго ўяўлення, дзе кожная кветка і кропелька расы ззяюць хараством запаветнай таямніцы, дзе душа адгукаецца ў прыродзе, а прырода адкрывае сябе ў душы. Такое адчуванне, што Ганна вышывае свае думкі і пачуцці бісерам і словамі проста ў нябёсах, тчэ з травінак і красак, з хвойнай ігліцы і струменяў дажджу свае радочкі-пялёсткі, і ўсё ззяе хараств ом дасканаласці, напоўнена любоўю, чаруе зрок і будзіць уяўленне, распаляе фантазію.