Крывінка

У снежні 1979-га савецкае кіраўніцтва, каб падтрымаць тамтэйшую апазіцыю, рашылася на ўвод савецкіх войск у Аўганістан. Да таго часу савецкія хлопцы “дапамагалі” будаваць камунізм у розных кропках зямной кулі. Ваявалі яны і ў Паўночнай Карэі ў 1953-м, і ў Віетнаме, у афрыканскіх Анголе і Мазамбіку ў 80-х гадах. Але тое былі лакальныя войны, ў якіх удзельнічалі пераважна савецкія ваенныя саветнікі. Яны дапамагалі мясцовай апазіцыі авалодваць савецкай зброяй. Забітых у тых войнах з савецкага боку было некалькі дзясяткаў.