Справаводства па-беларуску

Ці патрэбна беларуская мова ў Беларусі? Наша дзяржава – адна з нямногіх краінаў свету, дзе часта думаеш пра гэта. У вершах і прозе, дарэчы, думаеш. Думаць наогул карысна – для захавання статус-кво шэрых клетачак мозгу і для далейшага іх развіцця, а не дэградацыі. Беларуская мова не патрэбна ў беларускім судовым справаводстве. Факт. Канстытуцыйны суд Беларусі разгледзеў прапанову каардынатара кампаніі «Справаводства па-беларуску» Ігара Случака пра тое, каб заканадаўча замацаваць праверку ведаў суддзямі дзвюх дзяржмоваў – беларускай і рускай, але не знайшоў падстаў для яе ўкаранення.