Нашае жыцьцё

У літаратурную гасцёўню культурна-асветніцкага цэнтра імя Язэпа Драздовіча часта запрашаюцца - беларускія паэты, пісьменнікі і барды. І кожная такая сустрэча пакідае вялікі след у душы кожнага, хто бывае на нашых літаратурных імпрэзах. І кожны раз пераконваешся ў невычэрпнасці крыніц народнага таленту. Нядаўна гасцямі культурна-асветніцкага цэнтра былі паэты-песеннікі Сяргей Панізнік і Георгій Ліхтаровіч. Яны мае старыя сябры… Георгій - мастак , фотамастак, паэт. Ён пастаянны ўдзельнік драздовіцкіх пленэраў. Даўно падараваў мне свой паэтычны зборнік “Ліхтарыкі”. Зараз прывёз свой новы зборнік. Паэт чытаў свае вершы. Расказваў пра цікавыя гісторыі са свайго жыцця. Расказаў пра сваё знаёмства са спеваком і кампазітарам Барысам Вайханскім, з якім у яго моцнае творчае супрацоўніцтва. Барыс паклаў на музыку вершы Георгія - спевы праслухалі ў запісе.