Дуброўскі настрой

Дзевяноста два адсоткі- столькі дуброўцаў, згодна з задавалёным сьведчаннем старшыніхі выбарчай камісіі, прагаласавала за не першай сьвяжыны прэзідэнта. Так яно ці не - праверыць немагчыма, бо аніякага незалежнага назірання за выбарамі не было. Яно то праўда, дуброўскія кухвайкі пацягнуліся на галасавальны пункт ажно за пяць дзён. Ад суму, ад нечага рабіць, па іх уласнаму прызнанню. Улада добра папацела, бегаючы высалапіўшы язык за кожным апазіцыянерам. Тэлевізар ажно трашчаў, палохаючы інфантыльнага выбарца шырокім выбарам старых страхаў- Амэрыка, НАТА, Прыбалтыка- (I чаго яе баяцца? Нядаўна ж былі разам у брацкай сям"і савецкіх народаў, удзельнічалі ў сацыялістычным спаборніцтве зь Літвою... I раптам - на табе, вораг!)