Дзедзіч

Акцыя салідарнасці з народным паэтам Беларусі Рыгорам Барадуліным праходзіць у Беларусі. Паэт у дадзены момант знаходзіцца ў хворым стане. Збор ахвяраванняў для Рыгора Барадуліна праводзіць беларускі журналіст, паэт і грамадскі дзеяч Глеб Лабадзенка. Падобная акцыя ладзіцца ўжо ў другі раз і ўяўляе сабой збор дабрачынных ахвяраванняў. Кожны ўдзельнік акцыі ў падзяку за ахвяраванне атрымае ў падарунак кнігу Рыгора Барадуліна з аўтографам аўтара. Вось што піша ініцыятар акцыі Глеб Лабадзенка ў сваім блогу: Сябры, у 2008 годзе мы з вамі правялі шыкоўную акцыю салідарнасці з народным паэтам Беларусі Рыгорам Барадуліным. У акцыі тады ўзяло ўдзел некалькі соцень чалавек, было распаўсюджана пад 500 кніг. З таго часу сітуацыя не змянілася, таму настаў час паўтарыць гэтую акцыю салідарнасці з Рыгорам Барадуліным, а значыцца - з беларускай літаратурай у ягонай асобе, з Беларушчынай.