Інфа-Кур’ер

"З якім настроем, дарагі чытач, рыхтуешся да сустрэчы Новага года?" - чамусьці гэтым пытаннем хочацца пачаць невялікае рэдакцыйнае віншаванне да навагод-ніх святаў у сённяшнім фінальным нумары "Кур'ера"-2011. Ніяк не дапускаем, што ў адказ можа прагучаць нешта песімістычнае і сумнае. Па-першае, не тое свята, а па-другое, упэўнены, песімізм пад Новы год — гэта не пра чытача "Кур'ера". Свайго прыхільніка, хочацца верыць, мы ўжо нядрэнна вывучылі. Ён падаецца нам у першую чаргу аптымістам, цікавым і вясёлым субяседнікам, добразычлівым дарадцам. Ім кіруюць толькі стваральныя імпульсы. Ён нават у віхуры складанасцей сённяшняга жыцця і перадсвяточнай мітусні заўважыць найперш штосьці светлае і добрае.