Збор твораў у сямі тамах

Збор твораў Янкі Купалы ў сямі тамах — найболын поўнае і дакладнае навуковае выданне спадчыны народнага паэта. У параўнанні з папярэднімі выданнямі, падрыхтаваннымі Інстытутам літаратуры імя Янкі Купалы Акадэміі навук Беларускай ССР (Збор твораў у шасці тамах. Мінск, 1951—1954 і Збор твораў у шасці тамах. Мінск, 1961—1963), яно з'яўляецца наступным этапам на шляху да стварэння поўнага акадэмічнага збору твораў паэта. У аснову размяшчэння твораў дадзенага выдання пакладзены жанрава-храналагічны прьшцып. У першыя чатыры тамы ўключаны арыгінальныя вершы Янкі Купалы і яго пераклады вершаў з іншых моў (том 1 — вершы і пераклады 1904—1907 гг.; том 2— вершы і пераклады 1908—1910 гг.; том 3 — вершы і пераклады 1911—1917 гг.; том 4 — вершы і пераклады 1918—1942 гг.). Пяты том складаюць паэмы і пераклады паэм іншых аўтараў дакастрычніцкага і савецкага часу, шосты — драматычныя паэмы і п'есы. Пераклады п'ес, публіцыстыка, пісьміі ўказальнікі змешчаны ў сёмым томе.