Збор твораў у 6 тамах

У чацвёрты том Збору твораў Івана Мележа ўваходзяць аповесць, апавяданні, п'есы, нарысы і падарожныя нататкі пісьменніка, якія былі напісаны на працягу 1954-1958 гг. Том завяршаецца артыкулам аўтабіяграфічнага характару. Блізкае і няблізкае. Упершыню аповесць была надрукавана ў часопісе «Полымя», 1954, № 6, пад назвай «Блізкае і далёкае». У значна дапоўненым выглядзе ўвайшла ў кнігу «Што ён за чалавек» (Мінск, 1961) пад назвай «Зямля, якую любіш». Неаднаразова друкавалася ў перакладах на рускую мову. На таджыкскай мове — у зборніку «Бушуй, Дзвіна» (Душанбе, «Ірфон», 1965).